राजविराज : बलात्कार प्रयासको आरोपमा पक्राउ परेका वडा अध्यक्ष छुटाउन नेपाली कांग्रेसले हिजो (शुक्रबार) राजविराजमा प्रदर्शन गरेको छ । पक्राउ परेका शम्भुनाथ नगरपालिका–१२ का वडा अध्यक्ष लक्ष्मी साहसहित तीनजना निर्दोष रहेको बताउदै प्रदर्शन गर्दै जिल्ला प्रशासन कार्यालय र जिल्ला प्रहरी कार्यालयमा ज्ञापनपत्र बुझाएको छ।
कांग्रेस सप्तरीका सभापति दिनेश यादवको नेतृत्वमा रहेको जुलुसले नगर परिक्रमा गरी बुझाएको ज्ञापनपत्रमा वडा अध्यक्ष साह र अन्य व्यक्तिलाई अविलम्ब रिहा गर्न माग गरिएको छ। कांग्रेस पार्टीले घटनाको सूक्ष्म अनुसन्धान गरेको र आरोपित निर्दोष रहेको ज्ञापनपत्रमा दाबी गरिएको छ।
राजनीतिक प्रतिशोधको भावनाले नियोजित ढंगले फसाएको दाबी सभापति यादवले गरे। यौन दुव्र्यवहारको आरोपमा प्रहरीले वडाअध्यक्ष साहसहित सोही ठाउँका अनीलकुमार राय अमात र नसिम मियाँलाई मङ्गलबार पक्राउ गरी उजुरी दर्ता गरेको छ।
गाउँमा उत्पन्न विवाद पञ्चेती ९छलफल० गरी मिलाइ दिने प्रलोभन दिएर गत मङ्सिर १२ गते ३४ वर्षीय महिलालाई बलात्कार प्रयास गरेको आरोपमा तीन जनालाई पक्राउ गरी अनुसन्धान भइरहेको एसपी कृष्ण प्रसाईले बताए।
महिलाको १६ वर्षीय जेठो छोरा र २३ वर्षीया विवाहित महिलाबीच प्रेम सम्बन्ध रहेकोले विवाह गर्नुपर्ने गाउँलेको दबाब अस्वीकार गर्दै आएकी पीडितलाई छलफल गर्न बलात्कार प्रयास गरेको पीडितको आरोप छ।
नसिमले स १० प २५८३ नम्बरको मोटरसाइकलमा राखेर एकान्त चौरमा लगेको, वडा अध्यक्षले भनेको मान्नु भनी सल्लाह दिएको र वडा अध्यक्षले बलात्कार प्रयास गरेको पीडितको उजुरीमा उल्लेख छ। अन्नपूर्णपोष्टबाट
