जनकपुरधाम : प्रदेश नम्बर २ मा आज (आइतबार) सार्वजनिक बिदा दिइएको छ । मधेश आन्दोलनका शहिदहरुको सम्झनामा मनाइने वलिदानी दिवसको अवसर पारेर प्रदेश सरकारले आज सार्वजनिक बिदाको दिने घोषणा गरेको हो ।
प्रदेश सरकारको आयोजनामा यसपाली वीरगञ्जमा वलिदानी दिवस मनाईंदै छ । कार्यक्रममा प्रदेश सरकार मन्त्री, मधेश आन्दोलनका सहयात्री दलका नेता, शहिद परिवार, नागरिक समाज, बुद्धिजिवीहरु सहभागी छन् ।
यसअघि गत वर्ष माघ ५ गते प्रदेश सरकारले सिरहाको लहानमा वलिदानी दिवस मनाएको थियो ।
