धादिङ : धादिङमा एक ट्रक चालक मृत भेटिएका छन् । ट्रक चालक सूर्य प्रसाद डङगोरीया थारु गजुरी गाउँपालिका–६ बान्छेटारमा मृत भेटिएका हुन् ।
उनी सोमबार साँझ नजिकैको मदिरा पसलमा मदिरा सेवन गरेर आफ्नै ट्रकमा सुतेका थिए ।
इलाका प्रहरी कार्यालय गजुरीका अनुसार काठमाडौंबाट रुपन्देही जाँदै गरेको ना ६ ख ७००६ नम्बरको मालवाहक ट्रकका चालक ३० वर्षीय थारु सालझण्ड–६ का स्थानीय बासिन्दा हुन् ।
मृतक थारुको शव, गजुरी सामुदायिक अस्पतालमा राखिएको प्रहरीले जानकारी दिएको छ ।
ट्रकका सह–चालक कपिलवस्तुका सिमोन थारुलाई सोधपुछका लागि इलाका प्रहरी कार्यालय गजुरीकामा राखिएको र घटनाको थप अनुसन्धान भईरहेको छ ।
