काठमाडौं महानगरपालिकाको सहयोगमा गंगालाल हृदय केन्द्रमा अक्सिजन प्लाण्ट राखिने


काठमाडौं : सर्वसाधारणको स्वास्थ्य उपचारका लागि सहज पहुँच पुर्याउने उद्देश्यले स्वास्थ्य सेवाका क्षेत्रमा सहयोग गर्दै आएको काठमाडौं महानगरपालिकाले आज (बुधबार) गंगालाल राष्ट्रिय हृदय केन्द्रसँग अक्सिजन प्लाण्ट राख्ने विषयमा सम्झौता गरेको छ ।

शहीद गंगालाल श्रेष्ठको सम्झनामा स्थापना भएको गंगालाल राष्ट्रिय हृदय केन्द्रका कार्यकारी निर्देशक डा. चन्द्रमणि अधिकारी र काठमाडौं महानगरपालिकाका मेयर विद्यासुन्दर शाक्यले सम्झौतापत्रमा हस्ताक्षर गरेका हुन् । काठमाडौं क्षेत्र नम्बर–५ का सांसद समेत रहेका उपप्रधान तथा रक्षामन्त्री ईश्वर पोख्रेर र प्रदेश सांसद दिपक निरौलाको रोहवरमा भएको सम्झौतापत्र हस्ताक्षरमा अस्पतालमा उपचारका लागि आउने विरामीहरुका लागि निशुल्क अक्सिजन उपलब्ध गराउन आवश्यक पर्ने अक्सिजन प्लाण्ट र त्यससम्वन्धि उपकरण खरिदका लागि लाग्ने सम्पूर्ण रकम महानगरपालिकाले उपलब्ध गराउने उल्लेख छ । त्यसका लागि काठमाडौं महानगरपालिकाले तीन करोड विनियोजन गरेको छ ।

सम्झौतापत्रमा हस्ताक्षरपछि सम्वोधन गर्दै मेयर शाक्यले स्वास्थ्य सेवाका क्षेत्रमा केही गरौँ भन्ने उद्देश्यका साथ महानगरपालिकाले यस्तो कामको थालनी गरेको बताए । ‘हामीले यस अघि नै कान्तिवाल अस्पताललाई पनि अक्सिजन प्लाण्ट जडानका लागि रु दुई करोड दिने सम्झौता गरेका छौँ । फेरि ब्लड सेक्रेसनका लागि थप एक करोड दिने भनेका छौँ,’ उनले भने, ‘त्यसैगरी श्री विरेन्द्र अस्पताल छाउनीसँग पनि हेमोडाइलसिस मेसिन राख्नका लागि रु तीन करोड सहयोग गर्ने सम्झौता गरिसकेका छौँ । त्यहाँ काम सुरु भएको छ ।’

मेयर शाक्यले सर्वसाधारणको स्वास्थ्य उपचारमा सहज पहुँच पुर्याउने उद्देश्यले स्वास्थ्य सेवाका क्षेत्रमा केही सहयोग गरौँ भन्ने उद्देश्यले नै यस्ता कामको थालनी गरेको दोहोर्याउँदै महानगरपालिकाकै सहयोगमा नेपाल एम्वुलेन्स सेवाले १० ओटा एम्वुलेन्समार्फत सेवा दिइरहेको पनि स्मरण गराए । ‘स्वास्थ्य सेवाका क्षेत्रमा त्यस्तो केही सहयोग गर्नुपर्ने छ भने तपाईँहरुले वडामार्फत योजना लिएर ल्याउनु होला हामी अझै सहयोग गर्न तयार छौँ,’ शाक्यले भने, ‘तपाईँ–हामी सबै मिलेर मात्रै अघि बढ्न सक्छौँ ।’

कार्यक्रमलाई सम्वोधान गर्दै अस्पतालका कार्यकारी निर्देशक डा.अधिकारीले पनि महानगरपालिकाको यस्तो सहयोगबाट आफूहरु उत्साहित भएको भन्दै २० वर्षदेखि निरन्तर सञ्चालनमा रहेको यस अस्पतालमा स्वास्थ्य सेवा लिनेहरुको अत्याधिक भीड बढिरहेको अवस्थामा यो खालको सहयोगले निकै सहज हुने बताए ।

कार्यक्रममा मन्त्री पोख्रेलसँगै स्वास्थ्य राज्यमन्त्री नजराज राउत, प्रदेश तीनका सांसद नारायण सिलवाललगायतको पनि उपस्थिति रहेको थियो ।

स्वास्थ्य सेवाको क्षेत्रमा योगदान गर्दै आएको काठमाडौं महानगरपालिकाले यस अघि नै कान्तिवाल अस्पतालका लागि पनि अक्सिजन प्लाण्ट र त्यससम्वन्धि उपकरण खरिदका लागि रु दुई करोड सहयोग गरेको छ । त्यसैगरी गत पुस २ गते हेमोडाईलासिस सेवाका लागि आवश्यक मेसिन, भौतिक पूर्वाधार र जनशक्ति थप गर्नका लागि श्री विरेन्द्र अस्पताल छाउनीसँग रु तीन करोड सहयोग गर्ने सम्झौता गरेको थियो । सो सम्झौता अनुसार नै सो अस्पतालले हेमोडाइलोसिस सेवा सुरु गरिसकेको छ । केही दिन अघि मात्रै काठमाडौँ महानगरपालिकाका मेयर शाक्यले श्री विरेन्द्र अस्पताल छाउनीमा पुगी काठमाडौं महानगरपालिका वडा नम्बर–१५ डल्लु निवासी ६२ वर्षीया चन्द्रादेवी मर्जनको उपचारका लागि मेसिन खोली सेवाको सुभारम्भ गरेका थिए ।

प्रतिक्रिया दिनुहोस्
मुख्य समाचार

काठमाडौं : आज फागुन कृष्ण चतुर्दशी, भगवान शिवको स्तुति र आराधना गरी मनाइँदैछ । आज

काठमाडौं : तत्कालीन सञ्चार तथा सूचना प्रविधि मन्त्री गोकुल प्रसाद बास्कोटाले आफ्ना गाडी र अंगरक्षक

काठमाडौं : पूर्वराजा ज्ञानेन्द्र शाह र पूर्वमहारानी कोमल राज्यलक्ष्मी शाहले आज (बिहीबा) सपत्नी भारतको अमृतसरस्थित

काठमाडौं : सञ्चार तथा सूचना प्रविधिमन्त्री गोकुल बास्कोटाले घुस मागेको अडियो सार्वजनिक भएपछि त्यसको विरोधमा

काठमाडौं : सरकारका प्रवक्ता एवं सञ्चार तथा सूचना प्रविधिमन्त्री गोकुल बाँस्कोटालाई तुरुन्तै बर्खास्त गर्न माग

काठमाडौं : सुनको मूल्य आज (बिहीबार) उकालो लागेको छ । यससँगै सुनको मूल्यले नेपाली बजारमा

काठमाडौं : प्रधानमन्त्री केपी शर्मा ओली र नेपाल कम्युनिष्ट पार्टीका अध्यक्ष पुष्पकमल दाहाल ‘प्रचण्ड’बीच आज

भीमदत्तनगर : सञ्चार तथा सूचना प्रविधिमन्त्री गोकुलप्रसाद बाँस्कोटाले आफूमाथि लागेको आरोपबारे काठमाडौं फर्किएपछि विस्तृत प्रतिक्रिया

काठमाडौं : प्रमुख प्रतिपक्ष दल नेपाली कांग्रेसले सञ्चार तथा सूचना प्रविधिमन्त्री गोकुलप्रसाद बाँस्कोटालाई तत्काल बर्खास्त

चरिकोट : सुपशिद्व दोलखाको भीमश्वर मन्दिरको शीलामा आज (बिहीबार) पसिना आएको छ । आज बिहान

तस्विर : अन्नपूर्ण पोष्ट काठमाडौं : सिन्धुपाल्चोक कठरीका मञ्जु–भीमसेनबहादुर खड्का दम्पती राजधानीमा मकै पोलेर जीविकोपार्जन

काठमाडौं : यसवर्ष महाशिवरात्रिका अवसरमा पशुपतिमा दर्शनका लागि पाँच वटा लाइनको व्यवस्था गरिएको पशुपति क्षेत्र