काठमाडौं: सरकारले सञ्चालन गरेका आयोजनामा ९ सय ६ ठेक्कामध्ये ६ सय ६२ वटा लथालिंग अबस्थामा रहेका छन्। यी डेक्का २० अर्ब ७६ करोड रुपैयाँका हुन्। अख्तियार दुरुपयोग अनुसन्धान आयोगले गरेको अध्ययनबाट यति धेरै आयोजनाका विकास निर्माण अलपत्र भएको खुल्न आएको हो। अख्तियारले रुग्ण अबस्थामा रहेका ठेक्काबारे विवरण सार्वजनिक गरेपछि सडक विभागले चासो देखाएको छ।
विभागका सूचना अधिकारी एवं सहायक प्रवक्ता अर्जुन सुवालका अनुसार सुपरिटेन्डेन्ट इन्जिनियर राजेन्द्र शर्माको संयोजकत्वमा छानविन समिति गठन गरिएको कान्तिपुरमा खवर छ । सुवालले छानविनका क्रममा ठेकेदारको लापबाही पाइएमा ठेक्का रद्द गरेर ठेकेदार कम्पनीलाई कालोसूचीमा राखिने बताए।
