काठमाडौंः नेपाली सेनाले सहायक रथी सन्तोषबल्लभ पौडेललाई प्रवक्ताको जिम्मेवारी दिएको छ ।
सैनिक जनसम्पर्क निर्देशनालयले उनलाई प्रवक्तको जिम्मेवारी दिएको जनाएको छ । नवनियुक्त प्रवक्ता पौडेलले नेपाली सेना र आमसञ्चारका माध्यमबीच जनताको सुसूचित हुने अधिकारको रक्षा र राष्ट्रिय सुरक्षाको विषयमा सन्तुलन बनाइराख्ने प्रस्थान बिन्दु हुनुपर्नेमा जोड दिएका छन् ।
उनले सेना र सञ्चार क्षेत्र कार्य प्रकृतिका हिसाबले फरक भएपनि समुन्नत राष्ट्र निर्माणमा दुवैको भूमिका र जिम्मेवारी एउटै भएको प्रतिक्रिया दिए । यसअघि उनले जङगी अड्डास्थित १५ नं.बाहिनी र आपूर्ति तथा परिवहन निर्देशनालयमा जिम्मेवारी सम्हालि सकेका छन् ।
यसअघिका प्रवक्ता विज्ञानदेव पाण्डेले सुर्खेतस्थित उत्तर–पश्चिम पृतनाको नेतृत्व सम्हाल्ने छन् ।
