images

पूर्व सांसदहरू निर्वाचन प्रणालीको विरोधमा

द नेपालटप | प्रकाशित: २०७५-११-३० गते
पूर्व सांसदहरू निर्वाचन प्रणालीको विरोधमा

विराटनगर : मुलुकमा भ्रष्टाचार र अनियमितता बढाएको भन्दै पूर्व सांसदहरूले विद्यमान निर्वाचन प्रणालीको विरोध गरेका छन् । विराटनगरमा बिहीबार पत्रकार सम्मेलन गर्दै पूर्व सांसदहरू आबद्ध संस्था पूर्व सांसद मञ्चले अहिलेको निर्वाचन प्रणालीमा असहमति जनाएको हो । 

संसद्को परामर्श दातृ अङ्गका रूपमा रहेको मञ्चले निर्वाचन प्रणालीलाई परिमार्जन र सुधार गर्नु पर्ने खाँचो औँल्याएको छ । मञ्चका उपाध्यक्ष घनेन्द्र बस्नेतले निर्वाचन प्रणालीले भ्रष्टाचारलाई संस्थागत गर्न सहयोग गरिरहेको बताए । 

उनले आर्थिक विकृति र विसङ्गति नियन्त्रण, मुलुकमा विभिन्न काल खण्डमा भएका राजनैतिक परिवर्तनबाट प्राप्त उपलब्धिको रक्षा, नेपाली जनताको परिवर्तन र उत्थानका चाहना, जनताको बलिदानी र सङ्घर्षको उपलब्धिको रक्षा, लोकतान्त्रिक गणतन्त्रको संस्थागत एवं संविधान र सङ्घीयता कार्यान्वयनको बाधक निर्वाचन प्रणाली रहेको ठहर गरिएको बताए ।

प्रत्यक्ष र समानुपातिक भनेर ‘मिक्स’ गरिएको दुई खाले निर्वाचन प्रणाली त्रुटिपूर्ण रहेको बताउँदै बस्नेतले यसको पीडा जनताले खेप्नु परेको बताए । ‘प्रत्यक्ष निर्वाचन प्रणालीमा एउटा उम्मेदवारले लाखौं÷करोडौं खर्च गर्नु पर्ने अवस्था ।

सामान्य हैसियतकाले चुनाव लड्न सक्ने अवस्था नै छैन,’ उनले भने, ‘जितेपछि निर्वाचनका बेला भएका खर्च असुल गर्न लाग्नु पर्ने अवस्था आउँदा मुलुकमा भ्रष्टाचार बढेर गयो । प्रत्यक्ष हटाएर समानुपातिक निर्वाचन प्रणाली लागू गरिनु पर्छ भन्ने आवाजहरू पनि बुलन्द हुन थालेका छन् ।’ 

मञ्चका महासचिव शंकरनाथ शर्मा अधिकारीले निर्वाचन प्रणालीले नीतिगत भ्रष्टाचारको आधार खडा गरिदिएको बताए । अधिकारीले अहिलेको निर्वाचन प्रणालीलाई फेरबदल गरे मात्रै भ्रष्टाचारी सोच र नीतिगत रूपमा हुने त्रुटि एवं अनियमितताको अन्त्य हुने बताए । 

मञ्चले मुलुकका सात वटै प्रदेशमा विद्यमान निर्वाचन प्रणाली, समृद्ध नेपाल र सुखी नेपालीको नारालाई सार्थक बनाउन भइरहेका प्रयास र संविधान कार्यान्वयनका सम्बन्धमा गरिएका काम एवं लोकतन्त्रको सुदृढीकरणका विषयमा जनसुझाव लिने अभियान चलाएको छ । मञ्चमा विभिन्न दलका पूर्व सांसदहरू आबद्ध छन् ।

द नेपालटप

द नेपालटप

images
images
सम्बन्धित समाचार

उदयपुरमा टिपरले मोटरसाइकलाई ठक्कर दियो, दुई जनाको घटनास्थलमै ज्यान गयो

उदयपुरमा टिपरले मोटरसाइकलाई ठक्कर दियो, दुई जनाको घटनास्थलमै ज्यान गयो

उदयपुर : उदयपुर टिपरको ठक्‍करबाट बुधबार दुई जनाको घटनास्थलमा ज्यान गएको छ। जिल्लाको चौदण्डीगढी नगरपालिका ७ लाटी..

७८ हजारका लागि युवतीको घाँटी रेटी हत्या

७८ हजारका लागि युवतीको घाँटी रेटी हत्या

पाँचथर : जिल्लाको हिलिहाङ गाउँपालिका–६ को सिटे जंगलमा मंगलबार हत्या गरिएकी युवतीको साथमा रहेको नगद हत्या..

जिल्ला प्रशासन कार्यलयकै गाेप्य कागजपत्र असुरक्षित

जिल्ला प्रशासन कार्यलयकै गाेप्य कागजपत्र असुरक्षित

सुनसरीः समग्र जिल्लाको शान्ति सुरक्षाको जिम्मेवारी बोकेको जिल्ला प्रशासन कार्यालय सुनसरीका कागजपत्र भने असुरक्षित छ..

संखुवासभामा भीषण बाढीसँगै पहिरो, विभिन्न आयोजनामा करोडाैं क्षति

संखुवासभामा भीषण बाढीसँगै पहिरो, विभिन्न आयोजनामा करोडाैं क्षति

संखुवासभा : सोमबार साँझदेखिको झरीका कारण अरुण नदीमा बाढी आएपछि संखुवासभाका विभिन्न आयोजनामा क्षति पुगेका छन्। क्षति..

सडेको अवस्थामा युवकको शव फेला 

सडेको अवस्थामा युवकको शव फेला 

मोरङ : जिल्लाको पथरी शनिश्चरे नगरपालिकामा सडेको अवस्थामा एक युवकको शव फेला परेको छ। पथरी शनिश्चरे नगरपालिका&nd..

प्रदेश–१ को बजेट ४२ अर्ब २० करोड बढी (पूर्णपाठसहित )

प्रदेश–१ को बजेट ४२ अर्ब २० करोड बढी (पूर्णपाठसहित )

विराटनगर : प्रदेश–१ ले ४२ अर्ब २० करोड, ४ लाख १२ हजारको बजेट ल्याएको छ। प्रदेशका आर्थिक मामिलामन्त्री इन..