विराटनगर : पाँचथरको आरुबोटे हत्याकाण्डमा संलग्न रहेको आशंका गरिएका व्यक्तिले केही समयदेखि आफू पनि मर्छु,र सबैलाई मार्छु भन्ने गरेको अनुसन्धानबाट खुलेको आजको कान्तिपुर दैनिकमा माधव घिमिरे र लीलाबल्लभ घिमिरेले लेखेका छन्।
९ जनाको ज्यान जाने गरी पाँच दिनअघि मिक्लाजुंग ३ आरुबोटेमा भएको दुई परिवारको हत्यामा संलग्न भनिएका मानबहादुर माखिम झुन्डिएको अवस्थामा मृत फेला परेका थिए। घटनाको करिब एक महिनादेखि म पनि मर्छु र सबैलाई मार्छु भनेर परिवार साथीभाइसँग भन्ने गरेको खुलेको छ।’ अनुसन्धानमा संलग्न एक अधिकारीले भने।
घटनाका दिन घरबाट उपचारका लागि विराटनगर जान्छु भनी कपडा बोकेर हिँडेको परिवारले प्रहरीसँगको बयानमा बताएका छन्।