रोहित शर्माको शतक प्रेरित भारत बंगलादेशलाई पराजित गर्दै आइसीसी विश्वकप २०१९ को सेमिफाइनलमा प्रवेश गरेको छ। इंग्ल्याण्ड र वेल्समा भइरहेको १२ औं संस्करणको ओडिआई विश्वकपमा रोहित शर्माले चौथो शतक प्रहार गरेका छन्।
मंगलवारको खेलमा टस जितेर पहिले ब्याटिङ गरेको भारतले राेहितकाे १०४ रनको मद्दतमा ५० ओभरमा ९ विकेट गुमाएर ३१४ रन बनाएको थियो। भारतले दिएको ३१५ रनको लक्ष्य पछ्याएको बंगलादेश ४८ ओभर खेल्दै २८६ रनमा अलआउट भएको हो। अनि बंगलादेशमाथि २८ रनले जित निकाल्दै सेमिफाइनलमा प्रवेशन गर्न सफल भयाे ।
यता भारतसँग पराजित भएपछि बंगलादेश भने सेमिफाइनल होडबाट बाहिरिएको छ। रोहितले ९२ बल खेल्दै ७ चौका र ५ छक्का प्रहार गरे। यस्तै केएल राहुलले ७७ रन बनाए। पहिलो विकेटका लागि रोहित र राहुलले १८० रनको साझेदारी गरेका थिए। ऋषभ पन्तले ४८ र महेन्द्र सिंह धोनीले ३५ रन जोडे। बंगलादेशका लागि मुस्ताफिजुर रहेमानले १० ओभरमा १ मेडन राख्दै ५९ रन खर्चेर ५ विकेट लिए।
बलिङतर्फ हार्दिक पाण्ड्या र जसप्रित बुमराहले उत्कृष्ट प्रदर्श गरेछि बंगलादेश २ ओभर अगावै अलआउट भयो। बंगलादेशका लागि शकिब अल हशन र मोहम्मद सैफुद्दिनले अर्धशतक प्रहार गरेपनि अन्य खेलाडीले गतिलो साथ दिन सकेनन्। शकिबले ६६ रन बनाए। सैफुद्दिनले अन्तिमस्म खेल्दै नटआउट ५१ रन जोडे यस्तै सबिर रहेमाजले ३६ र सौम्य सरकारले ३३ रन बनाए।
भारतका लागि जसप्रित बुमारहले ९ ओभरमा ५१ रन खर्चेर ४ विकेट लिए। यस्तै हार्दिकले १० ओभरमा ६० रन खर्चेर ३ विकेट लिए। भुवनेश्वर कुमार, मोहम्मद शामी र युजभेन्द्र चाहालले १-१ विकेट लिए।
भारतले ८ खेलबाट १३ अंक जोड्दै सेमिफाइनलमा स्थान पक्का गरेको हो। अष्ट्रेलिया भन्दा १ अंकले पछि रहेको भारत दोस्रो स्थानमा यथावत छ। भारतले अब लिगको अन्तिम खेल श्रीलंकासँग खेल्नेछ।
भारतसंग पराजित भएपछि बंगलादेश भने सेमिफाइनल होडबाट बाहिरिएको छ। बंगलादेशको ८ खेलबाट ७ अंक मात्र छ र अंक तालिकामा सातौं स्थानमा छ। अब अन्तिम खेलमा पाकिस्तानलाई हराएपनि बंगलादेश शीर्ष चारमा पर्ने छैन।
अष्ट्रेलिया र भारतले सेमिफाइनल पुगिसक्दा बाँकी दुई स्थानका लागि अब ३ टिम होडमा छन्। तेस्रो स्थानमा रहेको न्यूजिल्याण्ड, चौथो स्थानमा रहेको आयोजक इंग्ल्याण्ड र पाँचौ स्थानमा रहेको पाकिस्तान सेमिफाइनल पुग्ने होडमा छन्। अब न्यूजिल्याण्ड र इंग्ल्याण्डबीच प्रतिस्पर्धा हुनेछ भने पाकिस्तानले बंगलादेशसँग खेल्नेछ।
