हेटौंडा । राष्ट्रिय स्वतन्त्र पार्टी दर्ता गरेर देश दौडाहमा रहेका पूर्व सञ्चारकर्मी रवि लामिछानेले आफ्नो पार्टीको चुनाव चिन्न घण्टी बजाउँदै हेटौंडा बजार परिक्रमा गरेका छन् ।
शुक्रबार बिहान हेटौंडा-४ स्थित पशुपतिनाथ (भुवनेश्वर) मन्दिरको दर्शन पछि कारमा सवार गर्दै कार्यकर्ताहरू संगै हात हल्लाउँदै हेटौंडा बजार परिक्रमा गरेका हुन् ।
लामिछानेले आज शुक्रबार मध्यान्ह १२ बजे हेटौंडाको रोयल पार्टी प्यालेसमा हुने पार्टीको कार्यक्रमलाई सम्बोधन गर्दैछन् ।
लामिछानेले मंसिर ४ गते हुने निर्वाचनमा प्रत्यक्ष तर्फ लड्ने घोषणा गरिसकेका छन् । तर उनले हालसम्म कहाँबाट लड्ने भन्ने घोषणा भने गरिसकेका छैनन् ।