विराटनगर : झापाको गौरीगञ्ज गाउँपालिका २ हेमनाडाँगीस्थित जोगेन टुडुको घरमा आगलागी हुँदा सुतेकै ठाउँमा उनकी श्रीमती ४५ वर्षीया सुनिता टुडुको मृत्यु भएको छ ।
प्रहरीका अनुसार शनिबार राति मादकपदार्थ सेवन गरेर आफ्नै घरको बरन्डामा उनी सुतेकी थिइन् । मट्टितेलबाट बल्ने बत्तीबाट घरमा सल्किएको आगोमा जलेर ओछ्यानमा सुतिरहेकी उनको मृत्यु भएको प्रदेश १ प्रहरी कार्यालय विराटनगरले जनाएको छ । घटनाको अनुसन्धान भइरहेको प्रहरीले जनाएको छ ।
